'Daddio'-ah Dakota Johnson

Dakota Johnson chu film thar 'Daddio'-ah Sean Penn nen an chang dun dawn.

Kum 31 mi lemchan thiam Dakota Johnson hian Daisy Ridley a thlak dawn niin Collider chuan a tarlang a, Ridley hi he film-ah hian chang tura biak fel a nih tawh hnuah chan hun tur chungchangah inrem lohna an neih avangin a thlakna tur an zawng ta niin an tarlang.

He film hi Christy Hall chuan a direct dawn bakah script pawh a ziak dawn a, Emma Tillinger Koskoff nen an produce dawn bawk.

'Fifty Shades of Grey' star Dakota nula pakhat, New York City a thlen vela taxi pakhata chuang nghal lemah a chang dawn a, chutah chuan kum 60 mi Sean chu taxi khalhtu a ni dawn thung. Chu a taxi chuannaa thil hrang hrang an sawi dun chungchang chu he film-a lang tur hi a ni dawn tih Deadline chuan an tarlang a ni.