Bob Dylan-a'n live stream concert nei dawn

Music legend kum 80 mi Bob Dylan chuan July 18 hian 'Shadow Kingdom' live-stream concert a nei dawn.

Concert buatsaihtu lam chuan thuchhuah an siamah,"Veeps chuan broadcast performance hlu tak Shadow Kingdom-ah Bib Dylan an sawm chhuak a, he hunah hian Dylan hian he hun pual bika hla a siam pawh a sa dawn a ni," tiin an tarlang.

Dylan hian nikumah khan a album hnuhnung ber ‘Rough And Rowdy Ways' a tlangzarh a, vantlang hmaah erawh a inlan khat hle.

Nakkum lamah hian Bob Dylan museum hawn a ni dawn bawk. He museum hi Bob Dylan Center tih a ni dawn a, Tulsa, Oklahoma-ah May 10, 2022-a hawn tur niin hetah hian Dylan-a sulhnu thil hrang hrang hmuh tur a awm dawn a ni.