Natalie Imbruglia album thar September-ah

Kum 1997 vela hla lar ber pawl ni ṭhin 'Torn' hla kha kan la hria em aw? Kha hla satu Natalie Imbruglia khan September thlaah hian album thar a tlangzarh dawn.

Natalie Imbruglia hian niminah khan single thar 'Build It Better' a tlangzarh bawk a, chu pawh chu streaming platform hrang hrangah stream theihin a awm tawh. A album thar tur hi 'Firebird' tih niin kum ruk hnua a album tihchhuah leh hmasak ber tur a ni ang.

Kum 46 lai ni ve tawh, Natalie Imbruglia hian September 24 hian 'Firefly' hi tlangzarh a tum a, a album parukna tur chiah a ni.

Natalie hi a hunlai khan a alar ṭhin hle a, a album hmasa ber kum 1997-a a tlangzarh 'Left of the Middle' phei kha chu khawvel ram hrang hrangah copy maktaduai 7 chuang lai a hralh a, ARIA Award pariat lai a dawng bawk.

Brit Awards pahnih dawng tawhin Billboard Music Award pawh a lo dawng tawh a ni.

Lemchan lamah pawh a sulhnu hmuh tur a awm nual a, chung zingah chuan Johnny English-a achangtunu 'Lorna Campbell' lema a chan pawh kha a tel a, 'Underdogs' leh 'Among Ravens'-ahte pawh khan a inlan bawk a ni.