Zaithiam J Malsawma a thi

21st June, 2021

'Phengphe Khua A Tlai Zo Ta' tih hla hmanga Zofate min awitu J. Malsawmtluanga chu Inrinni khan kum 37 mi niin Covid-19 vangin a thi.

J Malsawma hi TZTP Sweet December velah pawh khan inlan ṭhinin miten a zai an ngaina hle a, T Joela hla phuah 'Phengphe Khua' a sak phei chu YouTube-ah thlirtu maktaduai 2.7 chuang an awm hial.

'Phengphe Khua' bakah hian 'A Ruk Tein' tih leh 'Phuloh D' tih hlate chu a hla sak lar zualte a ni a, YouTube lamah pawh heng a zaite hi thlirtu an tam hle. Inrinni khan Tahan-ah boralin Inrinni vek khan vui nghal a ni.