Jt Production leh Siampuii an langsar

Mystical Mizoram Ṭhazual Lengzem chart-ah Jt Production ft Siampuii Ralte 'Ka Hmangaih te' chu pakhatna a ni a, anni hian chart top 10-ah an hla dang pakhat ve ve an lanpui bawk.

Pakhatna 'Ka Hmangaih te'
Jt Production leh Siampuii Ralte te hla 'Ka Hmangaih te' hi kumin chhunga lengzem hla lar ber pawl a ni tih loh rual a ni lo.

Thla li chhung vel lekin YouTube-ah vawi nuai 9 chuang thlir a ni tawh a, maktaduai pawh a tlin har lo ang. Jt-a leh Siampuii hi a mimal pawha zaithiam lar tak ve ve, Mizote'n an zai kan ngaihnat ber zinga mite an ni ve hrim hrim bawk nen, an thawhdunna hla chart-a topper a ni hi thil mak a ni lo.

'Ka Hmangaih te' hi hla ngaihthlak hahdam tak, a satute'n an sak thiam si a ni a, a hla a tawi lutuk hi mi tam tak duhkhawp lohna a nih hial zawk a rinawm.

Jt-a leh Siampuii lansarhna chart
An thawhdunna hla pakhatna a nih bakah hian an hla dang pakhat ve ve chart-ah an lanpui bawk. Jt Production hian 'Khuannu ruat loh' a sak chu palina a nihpui ve mek bawk a, chutih rual chuan Siampuii Ralte hian 'Thawnthu Tawp Thei lo Tur' chu pakuana a nihpui ve bawk.

Pahnihna Essy, Pathumna Jaui
Essy chuan 'I Dang Zo lo Maw' chu palina aṭangin pahnihnaah a rawn inhlankaipui a, Jaui pawhin a hla hit 'Dam Chhan' chu pangana aṭangin pathumnaah a rawn inhlankaipui bawk. R. Lalruatkima chuan 'Min Tuahrem Thuai se' hmangin top 5 a khar thung a ni.

Ṭhazual chart top 10-a lang zingah hian Hard Ray leh Jojo Jongte-te pawh an la awm bawk a, chart a hot chho zel dawn niin a lang.

Top 10
1 Jt Production ft Siampuii Ralte
Ka Hmangaih te

2 Essy
I Dang zo lo Maw

3 Jaui
Dam Chhan

4 Jt Production
Khuannu Ruat Loh

5 R. Lalruatkima
Min Tuahrem Thuai se

6 PC. Lalnunpuii
Aw D Bawihte

7 Chama Thangluah & R. Lalhmingmawia
Min Hruai ve Ang Che

8 Hard Ray
Ka Hmangaih Che

9 Siampuii Ralte
Thawnthu Tawp Thei lo Tur

10 Jojo Jongte
Suangtuahna