UK Chart-ah Olivia Rodrigo a la sang ber

American tleirawl Olivia Rodrigo chu UK singles chart-ah 'Good 4 U' hmangin pakhatna a ni leh a, he chart-ah hian a zawnin kar li chhung pakhatna a ni tawh.

UK Single chart-ah hian kum 18 chhung zet 'rock-influence' hla topper ni rei thei ber record a siam nghal bawk a, kum 2003-a Evanescence-in 'Bring Me To Life' hmanga he record an lo siam tawh chu a khum a ni.

'Good 4 U' hi kar hmasa chhung khan UK-ah vawi maktaduai 9.8 lai stream a ni a, amah hnaih ber tur The Weeknd 'Save Your Tears' aiin a let aia tam chart sales a nei tam zawk bawk niin OCC report chuan a tarlang. A hla tho 'Deja Vu' chu pangana niin 'Traitor' chu pariatna a nihpui bawk a, UK lamah pawh Olivia zai hian ngainat a hlawh viau mai.

Eurovision winner 'Manes-kin' chu UK chart top 10-ah an rawn lang thar bawk a, an hla 'I Wanna Be Your Slave' chu pasarihna an nihpui.