Joaquin Phoenix leh a nupui hualin film an chang dun dawn

Joaquin Phoenix leh a nupui hual Rooney Mara-te chu 'Polaris' film-ah an chang dun dawn.

Kum 2012-a 'Her' film an chan dun aṭanga intawng Joaquin Phoenix leh Rooney Mara-te hi 'Polaris'-ah hian an thawk dun leh dawn a, he film-ah hian Lynne Ramsay chu director a ni thung ang.

Film kalhmang tur erawh puanzar a la ni lo a, chuti chung chuan Phoenix leh Mara-te erawh an chang ngei dawn tih a chiang tawh niin khawhthlang lam media-te chuan an tarlang.

Ramsay leh Phoenix-te hi kum 2017-a tihchhuah 'You Were Never Really Here'-ah khan an lo thawk dun tawh a, hetihlai hian Mara nen erawh hi chuan 'Her' bakah hian 'Mary Magdalene' leh 'Don’t Worry, He Won’t Get Far on Foot'-ahte an lo chang dun tawh thung.