Gucci Beauty campaign star Miley Cyrus

Miley Cyrus leh luxury fashion brand Gucci chuan tunhnai khan an thawhdun dawn thu an puangzar a, Miley hi Gucci Beauty campaign star a ni nghal dawn bawk.

'Nothing Breaks Like a Heart' hitmaker hi Gucci Flora Gorgeous Gardenia Eau de Parfum tilartu tur a ni dawn a, hemi atana an thlalak mawi tak tak hmuh turte pawh a awm tawh a ni. July 30 hian an product hi an website-ah an zuar chhuak ṭan dawn a, August thla lamah chuan Gucci dawr hrang hrangah a awm bawk ang.

Gucci leh Miley hi a hma pawhin an lo thawkdun tawh a, kumin kumtira Super Bowl LV TikTok Tailgate pre-show concert-ah pawh khan Miley hian an product a lo inbel tawh bawk.

Miley Cyrus bakah hian Gucci hian Harry Styles leh Gucci Mane-te pawh an thawhpui tawh a ni.