Brian May-a'n a solo album hmasa ber a tlangzarh leh dawn

Queen guitarist Brian May chuan a solo album hmasa ber 'Back to the Light' chu August 6 hian a tlangzarh ṭha leh dawn.

Guitar legend Brian May hian September 1992 khan 'Back to the Light' hi a tlangzarh tawh a, chu album chu tunah hian khawih ṭha lehin version ṭha zawkin tlangzarh nawn leh a tum ta a ni.

Tlangzarh nawn leh a tum tirhah chuan a zam ve deuh thu sawiin,"Mahse kha huna kir leh kha nuam ka ti a ni. Heng hlate hi la ngaithla ngai lote nen inpawhna ṭha zawk min siam sak ka beisei a ni," a ti.

"Queen guitarist tiin miin min hria a. Ṭhenkhat chuan astronomer niin min hria. Ṭhenkhat chuan animal rights campaigner niin min hre bawk. 3-D Victorian Stereoscopy tana evangelist ang deuh ka ni. Mahse mi tlemte chauhin ka solo an la ngaithla a, chumi avang chuan engtin nge tuna ka thil tihchhuah tur hi a awm dawn tih hriat ka chak tawh hle," tiin a sawi bawk.

May hian a album tih-chhuah thar tur hi a Collector Edition box set peng pakhat atan a tlangzarh dawn a ni.