American Cinematheque Award dawng tur Scarlett Johansson

Scarlett Johansson chuan kumin hian American Cinematheque Award a dawng dawn.

'Black Widow' actress hian November 18 hian Beverly Hilton hotel-ah a ceremony an buatsaihah he chawimawina hi a dawng dawn a ni. American Cinematheque board chair Rick Nicita chuan,"Scarlett Johansson career en hian American Cinematheque award hi a phu hle a ni.

"A naupan lai, lem a chan hmasak ber aṭanga blockbuster megastar a nih thlengin a talent ropui tak hi mawi takin a eng chhuak a ni. Director ropui tak tak te thawhpuiin, franchise hlawh-tling ber berahte a chang a. Budget tam leh tlemah pawh, achangtu ber a nih loh pawhin supporting role hnehsawh takin a chang ṭhin.

"Screen-a a inlan apiangin, thlirtute chuan artist ṭha tak an hmu dawn tih an hre sa," tia sawiin Johansson chuan chawmawina chu phu a tih thu a sawi uar hle.

Nikum lamah khan hripui leng avangin virtual-in American Cinematheque Award ceremony hi an buatsaih a, film director leh producer lar Spike Lee kutah award an hlan a ni.