Blink-182 bassist Mark Hoppus a cancer

Multiplatinum pop punk band Blink-182 bassist Mark Hoppus chuan Nilaini khan social media kaltlangin a Cancer tih sawiin chemotherapy a lak mek thu a sawi.

Blink-182 fan-te tana thu hriat nuam lem lo tak tur hi Hoppus chuan sawi chhuak mah se a khawi lai tak nge Cancer tih emaw, eng stage nge tih emaw a sawi lang lem lo.

"Thla thum liam ta chhung khan Cancer vangin chemeotherapy ka la a ni," tia sawiin,"Ka Cancer a ni. A zia loin ka hlau a, chutih rual chuan doctor, chhungkhat leh ṭhian ṭha tak tak he hun harsa min paltlangpuitu tur ka nei erawh ka lawm hle. Thla eng emaw zat inenkawl ka la ngai dawn a, beisena nei chunga a eng lam zawng thlir tlat ka tum. Cancer laka fihlim hlan ka nghakhlel a, hun lo la awm turah concert-naa hmuh leh vek che u ka chak tawh hle," a ti.