RomCom film 'Meet Cute'-ah Kaley Cuoco & Pete Davidson?

The Big Bang Theory star Kaley Cuoco leh Pete Davidson-te chu romantic comedy movie 'Meet Cute'-ah an chang dun dawn nia sawi thawm a awm tlat mai.

'Meet Cute' hi Alex Lehmann chuan a direct dawn a, Kaley Cuoco leh Pete Davidson-te nen hian inremna la ziak chiah lo mah se he film-ah hian an inlan ngei hmel. Kaley Cuoco pawh hian social media lamah hemi chungchang Deadline-in an tarlan chu a story-ahte a hmang hial a, chumi avang chuan he film-ah hian a inlan ngei dawn a nih pawh a rinawm.

"I hmangaih hun kal tawhah khan va zin thei ta la, eng nge i tih ang? An harsatna leh an hliamte tihdan sak thei a, an buaina chinfel sak thei dawn ta la, kawppui tura duhthusam an nih theihna turin an nun thlak thei ta la engtin nge i tih ang?" Chutiang lam hawi film chu 'Meet Cute' hi a ni dawn a nih hmel.

Penny tia kan hriat lar Cuoco hi Shiela lemah a chang dawn nia sawi thawm a awm a, Davidson chu Gary lemah a chang ang.

The Flight Attendant actress Cuoco hian tunhnai khan a production company Yes, Norman tan Warner Bros. TV Group chu inremna lian tham tak a lo ziahpui tawh bawk a, chumi hnuaiah chuan Harley Quinn animation season 3 pawh tunah hian HBO Max lamah tihchhuah a ni leh ṭep tawh.

Heng bakah hian Couco company hian 'A Season With Mom' film-a siam phalna pawh a nei tawh a, tin, Sony movie 'The Man From Toronto'-ah Kevin Hart leh Woody Harrelson-te nen an chang ho dawn bawk a, TBBTH a tawp ta bawk a, 'Penny' hi film hrang hrangah kan la hmu chho dawn chauh niin a lang.