Ed Sheeran 'Bad Habits', I nalh tih zawng a ni em?

Ed Sheeran chuan nimin khan a hla thar, hun eng emaw chen chhung a lo 'tease' tawh 'Bad Habits' chu a tichhuak ta a, YouTube leh streaming platform hrang hrangah ngaihthlak tur a awm tawh.

'Bad Habits' hi a rimawi lo tihchhuah hmasak tawhte ai chuan a kalhmang a dang deuh a, electronic leh dance music lamhawi a nih bakah synth leh bass ri a tam a, a hla dang rawn tihchhuah leh turah hetiang lam hi a hawi zel dawn tih hriat a chakawm tawh hle.

Ed Sheeran hla thar hi a album tihchhuah thar tur, a hming a la puanzar loha mi tur a ni a, he album hi a hmingah 'Minus(-)' a tih ring an awm a, a album hming hmasa ho leh social media lama post a siam tawh ngaihtuah let chuan hetianga a phuah rin hi a awm viau mai.