Zara Larsson - Studio lamah!

Album thar tlangzarh hlim deuh hlawt Swedish singer Zara Larsson chuan studio lamah hun a hmang leh der tawh!

Thla thum liam ta, March 5-ah khan a studio album pathumna 'Poster Girl' a tlangzarh hlim hlawt a, chuti chung chuan tunah hian kum 23 mi 'Ain't My Fault' singer hian hun khawh ral loin studio lam a luhchilh lehnghal a ni.

Hemi chungchang hi twitter lamah tarlangin Zara Larsson zai ngainatute tan chuan thu hriat nuam tak a ni ngei ang.

'Poster Girl' a tlangzarh hnu lawkah khan kum 2022 leh 2023-ah album dang tihchhuah leh a tum thu The Sun chanchinbuin an kawmnaah a lo sawilang tawh a, nakkum lama a album tlangzarh tur hi a buaipui chhunzawm lehnghal tawh niin a lang.

A album hnuhnung ber kha Billboard album chart lamah erawh a che ṭha lem lo hle a, 170-na velah a lang pha ṭawk. UK Albums Chart-ah erawh 12-na a ni phak a, an ram album chart lamah pathumna a ni bawk. Kumin November thla vel aṭang hian a album thar tihlarna tur hian tour neih a tum a ni.