SpaceX Astronaut-te leh 'Back In Black'

US history-a van boruaka inkahchhuahna chhinchhiah tlak, Space X rocket hmanga NASA-in US astronaut pahnih Inrinni liam taa International Space Station-a an kah chhuah lai khan Dragon capsule-a chuangte khan AC/DC hla chuai thei lo 'Back In Black' an ngaithla ve tlat mai.

CNN reporter John Berman chuan Behnken (49) leh Hurley (53)-te khan AC/DC hla 'Back In Black' an ngaihthlak thu hi a sawi a ni.

Dragon Capsule hian Pathianni zingah khan ISS a thleng nghal a, ISS-a lo awm sa Russian leh American astronaut-te an zawm ve tawh a, thla li vel chu an cham an ring.

Space-a inkap kaite hian Heavy Metal music an ngaina ve hle a ni mahna, Pathianni tuka an harh pawhin Black Sabbath hla 'Planet Caravan' a lo in play niin Space.com chuan a tarlang. 'Planet Caravan' hla thu hi an zinkawng nen pawh a inhmeh hle, "We sail through endless skies, stars shine like eyes," tihte a ni nawk.

NASA hian an astronaut muhilte chu rimawi hmangin an kaitho ṭhin niin an sawi.