Samuel L. Jackson-a'n Honorary Oscar a dawng dawn

Oscar award semtu Academy of Motion Picture Arts and Sciences (AMPAS)-te'n a bik taka chawimawina an pek ṭhin Academy Honorary Award (a hming hmasa chu Special Award), Honarary Oscar tia an sawi bawk chu lemchan thiam Samuel L. Jackson kutah hlan a ni dawn.

He chawimawina hi Nakkum January, 12th Governor Awards-ah an hlan dawn a, Samuel L. Jackson rual hian Elaine May leh Liv Ullmann-te hnenah pawh an hlan ang. He hunah hian Jean Hersholt Humanitarian Award chu Danny Glover kutah hlan a ni dawn bawk a ni.

AMPAS president David Rubin chuan thuchhuah a siamah,"Film leh khawtlanga nghawng nei lian tak tak mi pali hnenah kumin Governors Awards kan sem thei tur hi lawmawm ka ti," tia sawiin,"Sam Jackson hi chu cultural icon a ni a, khawvel puma genre hrang hrang bakah generation hrang hrangah a hnathawhte hian nghawng a nei a ni," a ti.