Skid Row vocalist hlui Johnny Solinger a thi

Skid Row vocalist ni ṭhin, Johnny Solinger chu Inrinni khan thin ṭha lo vangin kum 55 mi niin a thi.

Hemi chungchang hi Skid Row chuan an Instagram lamah an tarlang a, Solinger hi thin ṭha lo vanga enkawl a ni tih a puanzar aṭanga thla khat hnu velah a thi a ni.

Johnny Solinger hi Sebastian Bach thlaktu kha a ni a, kum 1999 khan Bach thlakin kum 2015 thleng khan Skid Row-ah hian a tel. Skid Row vocalist neih tawh zingah chuan an band-a tel rei ber a ni a, album pali laiah a telpui a ni.