China-in a Zhurong Mars rover video a tlangzarh

China National Space Agency (CNSA) chuan Pathianni khan Sikeisen (Mars) leilunga an Zhurong rover chetla vel video an tlanghzarh.

Video hi robot-in wireless camera Sikeisen leilunga a dah hmanga lak a ni a, chung video an tlangzarh zingah chuan Zhurong ṭum lai pawh a lang. Ke paruk nei robot hian Utopia Planitia tia hmun hming an vuah chu a zirchiang mek a ni.

CNSA-in an tarlan dan chuan Zhurong hi Mars sols (sol hi Sikeisen ni khat sawina) 42 chhungin metre 236 a che kual tawh. Video hi Tianwen-1 satellite kaltlangin Khawvelah a rawn thawn a, scientist-te chuan sol 90 tal Zhurong hi hman theih an inbeisei.