Limp Bizkit-in rimawi thar an ngah tawh

American rock band Limp Bizkit chuan an album thara mi tur instrumental 35 zet an record zo tawh.

Guitarist Wes Borland chuan hemi chungchang hi sawiin, kum 10 hnua an studio album tihchhuah leh tur atan hian an inbuatsaih nasa tawh hle a, rimawi lam chu an peihfel thawkhat tawh a, an singer Fred Durst aw erawh an la record lo thung.

Borland chuan kum 10 liam ta chhung khan studio hrang hrangah vawi sarih ngawt an record puitlin tumin an album thar tur chu an buaipui kual tawh tih a sawi a, Fred duhthu a sam theih loh avangin an tiṭha leh ṭhin tih a sawi a ni.

Avenged Sevenfold bassist Johnny Christ YouTube channel 'Drinks With Johnny'-ah hemi chungchang hi sawiin, Fred Durst chu a ṭha thei ang ber duh chi a nih thu leh thawhpui nuam a tih thute pawh a sawi bawk.

Limp Bizkit hian an studio album parukna tur 'Stampede of the Disco Elephants' an buaipui mek a, Borland sawi dan chuan heng an record tawh aṭang hian Fred chuan ṭha a tihzualte a la thlang chhuak leh dawn niawm tak a ni.

Kum 2011-a 'Gold Cobra' an tlangzarh hnuah album thar an la tihchuak leh lo a, single erawh pali lai an tichhuak leh tawh thung.