A sakhming sawi kan bang hleithei lo! Olivia Rodrigo
Billboard 200 chart-ah Olivia Rodrigo 'Sour' album a rawn invawrh sang leh tawh hle a, pakhatna a ni leh. Artist 100-ah pawh pakhatna a nih chhunzawm leh bawk. Single chart lamah BTS 'Butter' a la hit zel a, a zawnin kar nga chhung Hot 100 chart topper a ni tawh.
Olivia Rodrigo 'SOUR' a invawrh leh
American tleirawl Olivia Rodrigo album hmasa ber 'Sour' chu a tlangzarh aṭanga kar nganaah pakhatnaah a rawn invawrh leh.
Kar hmasa lamah khan he album hi pathumnaahte a tla thla hman a, mahse tunkarah erawh chart chung berah a rawn invawrh leh ta a ni. Kar hmasa chhung khan equivalent album unit 105,000 a hmu chhuak leh niin MRC data chuan a tarlang.
'Sour' hi kumin chhunga EAU nuai chuang tlangzarh aṭanga kar nga liam hnua la hmu chhuak thei album pahnihna chiah a ni a, Morgan Wallen-a 'Dangerous: The Double Album' nen chiah khan hetiang dinhmun thleng thei hi kumin chhungin an la awm.
Kumin chu Olivia Rodrigo tan kum ṭha a la ni chhunzawm zel a, tunah hian Artist 100 chart-ah pawh topper a ni leh. Kar li chhung a zawnin Artist 100 topper a ni tawh.
'Good 4 U' hitmaker hian UK lamah pawh a la lar vet vet hle a, Ed Sheeran meuh pawhin tunhnaiah khan a fans zingah a tel thu a sawi chhuak. UK album chart-ah kar thumna atan 'Sour' hi pakhatna a nihpui leh a, Official U.K. Singles Chart-ah 'Good 4 U' bawk pakhatna a ni leh.
Billboard Global 200 chart-ah 'Good 4 U' chu pakhatna a nihpui leh mek a, Global Excl. US chart-ah pahnihna a nihpui bawk.
OLIVIA RODRIGO hian nimin zingah khan 'SOUR Prom' live concer film a tichhuak a, SOUR album-a hla hrang hrang a sa a, a zai ngainatute tan chuan YouTube lamah en theih turin a awm reng tawh a ni
Album chart-a cheṭha zualte
Billboard 200 chart-a kar hmasaa pakhatna Polo G 'Hall of Fame' chu pahnihnaah a ni a, Lil Baby & Lil Durk 'The Voice of The Heroes' chu pathumna a ni thung. Migs 'Culture III' leh Morgan Wallen 'Dangerous: The Double Album' chu palina leh pangana an ni bawk.
Billboard 200 Chart Top 10:-
1 Sour Olivia Rodrigo
2 Hall Of Fame Polo G
3 The Voice Of The Heroes Lil Baby & Lil Durk
4 Culture III Migos
5 Dangerous: Morgan Wallen The Double Album
6 Back Of My Mind H.E.R.
7 Future Nostalgia Dua Lipa
8 A Gangsta's Pain Moneybagg Yo
9 Inside (The Songs) Bo Burnham
10 The Off-Season J. Cole
BTS 'Butter' a la khal ṭha
Single chart lamah chuan BTS 'Butter' a la che ṭha tluang zel a, a zawin kar nga chhung Billbord Hot 100 chart topper a ni tawh.
'Butter' hi Songs of the Summer chart-ah topper a ni mek a, Global Excl. US chart-ah pawh topper a kar ngana atan a ni mek bawk. Global 200 chart-ah pahnihna an ni thung a, Artist 100 chart-ah BTS hi pahnihna an ni leh bawk a ni.
Kumin chu BTS leh Olivia Rodrigo-te hmingin Billboard chart hrang hrang an al hneh hle a ni.
Hot 100 Chart Top 5:-
1 Butter BTS
2 Good 4 U Olivia Rodrigo
3 Levitating Dua Lipa Featuring DaBaby
4 Kiss Me More Doja Cat Featuring SZA
5 Peaches Justin Bieber feat. Daniel Caesar & Giveon
Five Finger Death Punch
Billboard Mainstream Rock Airplay chart-ah Five Finger Death Punch chuan Disturb record siam sa, a zawna pakhatna ni rei ber record chu a rawn nihrual. Five Finger Death Punch hian an hla 'Darkness Settles In' hmangin he chart-ah hian a zawnin kar sarih chhung ro an rel tawh a ni.