Film lamah The Weeknd kan hmu dawn

Canadian singer The Weeknd chu HBO drama series 'The Idol' tihah a chang dawn a, script a ziahpui dawn bawk.

Hemi chungchang hi Variety chuan tarlang hmasa berin, pop singer nula pakhat leh LA-a club neitu pakhat, a ruka pawl pakhat hotu ni bawk inngaihzawnna chanchin a ni dawn.

The Weeknd, a hming tak Abel Tesfaye hi co-write a nih dawn bakah producer tur zingah pawh a tel dawn a ni.

'The Idol' hi The Weeknd film lama sulhnu kan hmuh hmasak ber tur erawh a ni lo. Animated series pakhat 'America Dad' script a ziak tawh a, 'Uncut Gems' film-ah pawh a lo inlan tawh bawk.