Diana car $72,000-in an hralh

Kum 1997-a car chesuala boral ta Princess of Wales, Lady Diana Ford Escort chu lilamnaah $72,000 velin an hralh.

He car hi Prince of Wales chuan an inneih hma thla hnih, May 1981 khan an inhual present atana a pek a ni a, Reeman Dansie Auctions chuan lilamin South America museum-in an lei a ni.

Car hi $65,000 aṭanga lilam ṭan niin museum hian telephone kaltlangin VAT zawng zawng telin $72,93-in an lei.

Diana khan he car hi Prince Charles-a'n polo a khel en turin a khalh ṭhin a, mahse kum 1982-a Prince William a hrin hnu kha chuan a khalh ngai ta lo niin an sawi. Chumi hnuah chuan antiques dealer pakhatin $8,300-a leiin kum 20 chuang zet chu uluk takin an enkawl chhunzawm ta a ni. Metre box-a a inziah dan chuan mel 83,000 vel a tlan tawh niin an tarlang.