Gaming News : Battlegrounds Mobile tlangzarh a ni ta

Players Unknown Battleground (PUBG) Mobile Indian version, Battlegrounds Mobile chu niminah khan tlangzarh a ni ta a, Google Play store aṭangin a download theih tawh.

Nikum September thlaah khan PUBG Mobile hi India ramah khap a ni a, khap a nih aṭanga rei vak loah khan Indian version siam a ni dawn tih rik nghal niin, a hnuah Battleground Mobile tih a ni dawn tih an puang leh a; hun eng emaw chen 'early access' a dah a nih hnuah tunah chuan a duh apiang tan a download theih ta a ni.

Developer Krafton chuan niminah khan lawmthu sawina tichhuak nghalin mi maktaduai 10 zetlin an downlod nghal avanga an lawm thu an sawi. iOS lamah erawh a la awm chiah lo.

Battlegrounds Mobile India hi siam a ni dawn tih May thla tirah khan official-in an puang a, chumi hnu rei vak loah chuan Android-ah chuan pre-registration hun an hawng nghal a ni.