CHENGRANG LEH NGENMU EPISODE-1

Mizoram a entrepreneurship reality show hmasa ber Chengrang leh Ngenmu, Tharthilthlentu (TiLi) leh Zonet Cable TV buatsaih chu Zonet tv channel leh YouTube channel-ah chhuah a ni ta.

He show-ah hian Investor pathum ṭhuin Start-Up paruk an inlan a, investor-te sum thehchhuah zawng zawng hi Rs. nuai 17.5 (Rs. 17.5 Lakhs) lai niin thawhhona cheng tam tak man hu chi hrang hrang hetiang hian siam a ni:-

Zorinsangi - ZoEi Nutraceuticals leh David Lalmuanpuia Fanai, CMD, One Organic Partnership-te chuan 50-50 Joint Venture @ Rs. 25 Lakh in inremna an siam.

David Lalawmpuia – Anna Food Production leh David Lalmuanpuia Fanai, Owner, F. Hrangvela Group of Industries-te chu Equity Partnership - Mentorship & Project Planning-in an thawkho dawn bawk a;

Lalmalsawma – Stellify Handloom Producer Co. Ltd leh Lalsangzeli, Owner, Vakiria te chu Partnership in Marketing, Supply Chain & Mentorship in thawhhona thuthlung an siam a;

Vanlalfakzuala – V.Comics leh Lalnunpuia, Owner, Vanglaini-te chuan Partnership in Content Development & Production angin inremna an siam a;

K. Lalruatpuia – SellsThing.com leh Lalnunpuia, Owner, Vanglaini-te chuan Rs. 5 lakh for 30% share-in thawhhona thuthlung an siam a;

R. Vanlalduata - Zosang Agro Pvt. Ltd leh CMD, Tharthilthlentu-te chuan 1.5% Share for TiLi Incubator in inremna an siam bawk.

Chengrang leh Ngenmu hi July thla tawp lama chhuah leh tura ruahman a ni a, Start-Up tel duh tan Instagram @ Tharthilthlentu-ah a belhchian theih.

Tharthilthlentu – Entrepreneurship & MSME Support hi Mizorama entrepreneurship leh MSME tihhmasawnna atana din a ni a, Office hi Second Floor, JL Building, Mission Vengah an nei a ni.