Halsey album thar tur chu..

American singer Halsey chuan a studio album palina tur chu ‘If I Can’t Have Love, I Want Power’ tih a ni dawn tih leh Trent Reznor leh Atticus Ross-te produce a ni dawn tih tunhnai khan a sawi.

'Bad at Love' hitmaker hian nikuma a album tlangzarh 'Maniac' chhunzawmna tur ‘If I Can’t Have Love, I Want Power’ teaser second 10 leka thui chu tunhnaiah khan a tichhuak a, tlangzarh hun tur erawh a la tarlang lo.

Halsey album thar tur chungchang hi thui tak hriat tur a la awm lem lo a ni. Hetihlai hian tunah hian a rai mek bawk.

Kum 29 mi Halsey hian studio album pathum a tichhuak tawh. Nikumah khan Time magazine chuan khawvela mihring huhang ngah 100 a thlan chhuah zingah an telh bawk a ni.