Lana Del Rey-in album tlangzarh hun sawn

Lana Del Rey 'Blue Banisters' album chu tlangzarh hun tur sawn hlat a ni a, Del Rey chuan tlangzarh hun thar a la puanzar dawn thu Inrinni khan a sawi.

'Blue Banisters' hi ruahmanna hmasaah chuan USA zalenna ni, July 4-a tlangzarh kha a tum a, mahse Inrinni zanah khan Lana Del Rey chuan social media-ah tlangzarh hun tur sawn hlat a nih thu sawiin, a album art erawh a rawn pholang a, music video teaser tawite a dah chhuak tel bawk.

'Summertime Sadness' hitmaker hian a hmain 'Blue Banisters' -a hla awm tur pathum "Blue Banisters," "Wildflower Wildfire" leh "Text Book" te chu ngaihthlak theihin a lo dah chhuak tawh.

American singer Lana Del Rey hian studio album pasarih a tichhuak tawh. A pasarihna chu March thlaa a tihchhuah 'Chemtrails over the Country Club' kha a ni a, kumin chhung ngeiin a album pariatna tur 'Blue Banisters' hi tihchhuah leh hman a tum a ni.