Downton Abbey chhunzawmna nakkumah

'Downton Abbey' chhunzawmna tlangzarh hun tur sawn hlat a ni a, nakkum kum chawhma lamah erawh tlangzarh hman an tum.

British historical drama film 'Downton Abbey' hi kum 2019 khan tihchhuah a ni a, $maktaduai 13-20 inkar vel senga an siam chu $mtd 194.3 vel zet an hmu chhuak a ni. A chhunzawmna chu kumin December 22 hian tlangzarh leh hman an tum a, mahse chu chu sawn hlain nakkum March 18-ah tlangzarh an tum ta zawk a ni.

Thlalehah hi chuan 'Downton Abbey 2' hi an chang zo tawh dawn thung a, a film hmasa lama kan hmuh Hugh Bonneville, Michelle Dockery, Imelda Staunton leh Dame Maggie Smith-te chu an inlan leh ang. Anni bakah hian Dominic West, Hugh Dancy, Laura Haddock leh Nathalie Baye-te pawh an inlan dawn.

Part 2 hi chu Michael Engler thlakin Simon Curtis chuan a direct thung a, April thla laihawl vel aṭang khan Hamshire, England-ah an chang ṭan tawh a ni.