Tom Hanks-te nupain Covid-19 an kai
Tunlai hripui leng mek Covid-19 chuan mi lian emaw mite emaw a thliar hrang lo a, US actor Tom Hanks leh a nupui Rita Wilson-te pawhin an kai thu an puangzar mauh mai.
Kum 63 lai ni tawh Tom Hanks hi Australia-a Queensland-ah Elvis Presley chanchin tarlanna film changin a awm mek a, nimin khan a Instagram-ah hripui a kai thu hi a sawi a ni. An chauh deuh bakah hritlang ang deuha an awm avangin an inenfiah a, Covid-19 an kai tih hi hriatchhuah a ni ta tih a sawi.
"Tunah chuan medical officer-te'n ti tura min tuk kan zawm a ngai a mi. Enfiah kan ni anga, a ṭul chhung chu dah hran kan ni bawk ang," a ti. Queensland Premier Annastacia Palaszczuk chuan Tom Hanks leh Rita Wilson-te nena inkalpawhte chu enfiah an ni anga, dahhran an ni dawn tih a sawi ve bawk.