PGA Award sem turah 'Wonder Woman' langsar

Producers Guild of America (PGA) Awards sem hun a hnai leh ta hle a, award dawng thei tur hrang hrang pawh puan a ni tawh. Wonder Woman chu nominee zinga langsar ber a ni a, award ngaih­hlut hlawh Darryl F. Zanuck Award dawng thei turin a dinhmun a ṭha hle.

Award hi January 20-ah sem a ni dawn a, kar kalta Zirtawpni khan award dawng thei tura chawpchhuahte pawh puan a lo ni tawh. Tun ṭumah hian award 12 semchhuah a ni dawn a, nikum chhunga film chhuak ṭha zual hnenah sem a ni ang. Category hrang hranga chhawp chhuahte hi lar leh ngaihven hlawh tak tak a ni hlawm. Award dawng thei tura chawpchhuah zingah hian Womder Woman bakah, The Boss Baby, Coco leh Despicable Me 3 te chu a langsar zual an ni.

PGA Award 2018 hi Beverly Hilton Hotel, Los Angeles-ah sem a ni ang.