Rinnain midang ngaidam thei turin chakna min pe : Katherine Schwarzenegger

American author Katherine Schwarzenegger chuan Fox & Friends-in an interview-naah  rinnain midangte ngaidam thei tura chakna a pek thu a sawi.

Kum 30 mi Schwarzenegger hian a pa Arnold Schwarzenegger ang lo takin film lam a luh chilh ve loa, lehkabu ziah lamah a kal ta thung a ni. A lehkhabu ziah "The Gift of Forgiveness: Inspiring Stories from Those Who Have Overcome the Unforgivable" chungchangah Fox & Friends chuan an kawm a, he hunah hian Katherine chuan a pasal Chris Pratt chu a fak hle bawk.

An nupa inkara inrin tawnna awm chuan an inkar boruak chhe tur pawh a siam ṭha leh ṭhin tih a sawi uar hle. "Hringnun kan zin kawngah hian kal kawng hrang ṭeuh kan nei a, kan kawng zawhte chu a ṭha bik leh chhe bik a awm chuang lo. Ngaihdamna hi thilpek a ni. Midangah a innghat lo a, thiltih theihna kan neih ti pawhin kan sawi thei ang," tiin Katherine Schwarzenegger chuan a sawi a ni.