Billboard 200 Albums Chart : 'The Greatest Showman' soundtrack hralh a kal ber

The Greatest Showman sound­track chu U.S lamah hralh a kal rih hle a, Billboard 200 al­bums chart-ah pawh pakhatna a ni.

He musical drama film sound­track hi kar liam ta chhung khan copy 106,000 zet hralh chhuah a ni a, Fifty Shades Darker film tihchhuah hnua original soundtrack zinga dinhmun sang ber luah leh thei hmasa ber a ni. Ed Sheeran album 'Divide' chuan pahnihna a hauh leh a, copy 67,000 hralh chhuah a ni. Pathumna chu Taylor Swift a ni a, a album hit 'Reputation' chu kar khat chhungin copy 48,000 hralh chhuah a ni.

G-Eazy chuan hma a rawn sawn viau a, pariatna aṭangin palina-ah a rawn invawrh. A album 'The Beautiful & Damned' hi hralh a kal chho zel a, kar liam ta pawh khan copy 42,000 hralh chhuah leh a ni. Kendrick Lamar chu album hralh tam pangna a ni a, a hnuia chiahah hian American rapper Eminem a awm. Kendrick Lamar pawhin hma a rawn sawn hle a, a album 'DAMN' hi kar hmasa khan chart-ah paruana a ni pha ṭawk. Hetih lai hian Eminem chu a hnung tawlh zawngin a kal a, palina aṭangin paruknaah a tla thla a, heti chung hian a album 'Rivival' chu copy 41,000 lai hralh chhuah a la ni.

Top 10-ah hian Imagine Dragons, Post Malone, Huncho Jack leh Khalid-te an lang bawk.