Vitara Brezza BS 6 Aizawlah tlangzarh Lirthei chhiah pe lo an tam: Transport director

Maruti Suzuki Vitara Brezza Petrol BS 6 chu nimin khan GIG Motors, Edenthar, Aizawlah trans­port director R Lal­ram­mawia'n a khuh hawng.

Vitara Brezza tlang­zarh thar hi petrol engine hmang a ni tawh dawn a, chhuak hmasa ai khan a danglam a, a changkang zawk a ni. Rawng chi hrang hrang pakua lai mai siam a ni bawk.

Transport director R Lalrammawia chuan a khuhhawn paha thu a sawinaah lirthei leitute'n chhiah an pek ṭhat loh thu sawiin, a Kristian lo hle nia a ngaih thu a sawi. Transport Department chuan Mizoramah a tir atangin lirthei nuai li dawn a ziak lut tawh a, chhiah pe loa dah hlum tak lirthei 46,000 a awm. December 31, 2019 thlengin kum 15 tling tawh tihthar leh ngai tithar si loa tlan ve ringawt lirthei 45,646 a awm bawk a ni, a ti.

Vitara Brezza Petrol hi variant pakua lai a awm bawk a, Aizawlah chuan a man tlawm ber chu Rs 7,33,941.72 niin a to ber erawh Rs 11,39,941.72  man a ni thung. Delhi nen pawh a man hi a inthlau lo hle.

Maruti Vitara Brezza Key specs

Fuel Type    Petrol

Max Power     (bhp@rpm)

    103.2bhp@6000rpm

Seating Capacity    5

ARAI Mileage    18.76 kmpl

Max Torque (nm@rpm)    138nm@4400rpm

TransmissionType    Automatic

Engine Displacement (cc)    1462

Fuel Tank Capacity    48