Slash-a'n kum 15 chhung ruihhlo tel loin hun a hmang ta

Khawvela guitarist lar ber zinga mi, Guns N' Roses guitarist Saul Hudson, Slash tia khawvelin a hriat lar chuan kum 15 chhung ruihhlo tel loin hun a hmang ta.

Slash-a bialnu, hun eng emaw chen a zui ve tak Meegan Hodges chuan Instagram lamah hemi chungchang hi tarlangin, a bialpa kum 55 mi chu a lawmpui thu a sawi.

Meegan Hodges hian punk fashion stylist Jimmy Webb leh Slash thlalak dunna chu post-in a caption-ah, 'Kum 15 ruihhlo i nghei ta hi ka lawmpui a che! Addict dam leh hi chuan engpawh an tithei a ni (tu emawin thufing a sawi) Nitinin ka chhuang ṭhin hle che a, vawiinah hian ka chhuang lehzual che,' tiin a ziak a ni.

GnR guitarist hian kum 2006 khan ruihhlo nghei a tum thu a lo sawi lang tawh a, chu chu tihlawhtlingin kum 15 zet chu ruihhlo tel loin hun a hmang der tawh.

Kum 2018-ah khan ruihhlo nghei chu harsa a tih thu lo sawi tawhin mah se harsa ti tak chung chuan a tihlawhtling thei tih a lo sawi lang tawh a ni.