Miss Mizoram 2018 : Miss India Organisation aṭangin Judge tur lo kal dawn

Zonet chuan Miss Mizoram thlanna a buatsaih leh dawn a, January 17 hian audition neih a ni ang. Audition neih turah hian Miss India Organisation aṭangin judge tur a lo kal dawn a, contestant-te tan Miss India-a tel zelna tur atan a pawimawh hle dawn a ni. Kuminah hian Miss Mizoram tan lawman ṭha tawk tak siam a ni leh dawn a, pawisa fai Rs 1,10,000/- bakah hamṭhatna dang eng emaw zat a kengtel dawn bawk.

Miss Mizoram 2018-a tel tumte tan hian Zonet Office-ah application form a la lakchhuah theih a, Zonet Website-ah online-a thehluh theih a ni bawk. Form hi January 15 thleng thehluh theih a ni ang. Karleh Nilainia audition neih tuarah hian Miss India Organisation aṭangin judge tur a lo kal dawn a, contestant-te tan an kal leh zelna turah a pawimawh hle dawn a ni.

Miss Mizoram 2018 hian lawmman atan pawisafai bakah, Main sponsor aṭangin Vespa Scooter a dawng leh dawn a, CMS Holidays aṭangin Dubai Tour Package a dawng bawk ang. Miss Mizoram organiser Zonet chuan Mizo nula tha tak takte tel turin a sawm a ni. Miss Mizoram thlanna hi changtlung taka buaisaih leh tum a ni a, title winner chu Miss India-a tel turin theihtawpa hmalak pui leh a ni dawn bawk.