Hla thar nen Black Eyed Peas an lo kir

American hip hop group Black Eyed Peas chu hun eng emaw chen an reh vang hnuah hla thar nen an rawn kir leh ta.

Black Eyed Peas hian kum sarih zet liam hnuah music khawvel an rawn luhchilh leh a, an fan-te tan chuan thu lawmawm tak a ni ngei ang. Tun ṭuma an hla thar hi 'Street Livin' a ni a, a track pawh tlangzarh a ni tawh. Hetih lai hian an vo­calist Fergie zai ngaihthlak tur a awm lo thung a, fan-te lawm a kim lo ngei ang. Fergie hian solo album 'Double Dutchess' a buai­pui mek vangin a group member te hi a ṭawiawm thei lo a, member dang Will.i.am, Taboo leh Apl.de.ap te erawh music video tharah hian an inlan thung.

Black Eyed Peas hian tun hnai khan graphic novel 'Masters of the Sun: The Zombie Chronicles' an buaipui thu an tarlang a, hei hi February thlaa Sundance Film Festival-ah tlangzarh a ni ang.