Angelina Jolie-i'n tunge a date?

Angelina Jolie chuan Brad Pitt nen an inṭhen hnuah thawm a nei lawk lo a, mahse tunah chuan date a nei niin an sawi ve leh ta tlat mai.

Jolie leh Pitt-te hi kum eng emaw zat an inneih hnuah kum hnih liamta khan an inṭhen a, Pitt zawk hi chuan kawppui chungchangah chanchin a nei zauh zauh. Hetih lai hian Jolie erawh a reh vang vang a, tunah erawh Cambodian filmmaker PraCh Ly nen sawizawm a ni ve leh ta. Jolie hi tun hnai khan Cambodia lamah hmuh ani a, PraCh Ly nen hian 'First They Killed My Father' film an siam dun nia sawi a ni. PraCh Ly nen hian an inhuat loh hmel viau niin an sawi a, kawppui a neih loh lai a nih bawk avangin sawizawm nghal an ni.

Anni pahnih hian an ṭhian hnaite pawh an inhmelhraittir tawn nia tarlana ni leh zel a, finfiahna tak erawh a awm lo. Anmahni lamin engmah an sawi chhuah rih loh vangin an chanchin hian ngaihven a hlawh rih viau dawn a ni. Kum 42 lai ni ve tawh actress Jolie hian a fate a awmpui a, hmun hrang hranga a kal kual velnaah pawh a fate nena an inzui hi hmuh tur a awm fo a ni.