Zonet-in Ruth-i hla thar tichhuak

Zonet chuan Ruth CVL Muanpui hla thar 'A men ka pe lo thei lo' tihchhuh nizan aṭang khan an tichhuak ṭan.

'A men ka pe lo thei lo' tih hla hi Lalnunpuia Hrahsel hla phuah zinga mi a ni a, a album-ah pawh khan a tel a ni. Ruthi chuan, "He hla hi saknuam ka ti a, a phuahtu pawh hian a phuah thiam hle a ni. Lo ngaithlatuten malsawmna an dawn ngei pawh ka beisei" tiin a hla chungchang a sawi. A hla hi local channel-ah thlan theihin a awm tawh a ni. Blue Wave Records chuan Ruth-i hi music lama thawhpui turin inremna an siampui bawk.

Ruth-i hian Music Domain Mizoram (MDM) a zawm a, tun hnai khan member atan hian lakluh niin, a hlate hi Zonet chuan an tichhuak ṭhin tawh dawn a ni.