Privacy mamawh Gigi Hadid

American model chhe lo Gigi Hadid chuan paparazzi, media leh fan-te chu privacy a mamawh thu 'open letter' hmanga hrilhin Zayn Malik nena an fanu Khai thlalak chu tilang lo hram turin a ngen.

A social media account-ah Gigi chuan nu leh pa dang zawng zawng ang bawkin a fanu chu media lak aṭanga venhim a duh tih a tarlang a, NYC-a Khai a chhuahpui ṭuma thla la lo tura paparazzi a ngenna tihlawhtlingtute chungah lawmthu a sawi bawk a ni.

Hadid chuan nu a nih angin a naute tana ṭha ber a duh thu a sawi bawk.

Gigi Hadid hian nikum September thlaah khan Zayn Malik nena an fa Khai Hadid Malik hi a hring a ni.