Zack Snyder-a'n NETFLIX tan Sci-Fi film a siam dawn

Netflix lama hlawhtling taka 'Army of the Dead' a siam hnuah 'Justice League' director Zack Snyder chuan Netflix tan bawk Sci-Fi film 'Rebel Moon' a siam leh dawn.

'Army of the Dead' -a a lo thawhpui tawh, 'John Wick 3'-ah pawh sulhnu ṭha tak hnutchhiah tawh Shay Hatten leh '300' filma a lo thawhpui tawh Kurt Johnstad-te chuan Snyder-a ho hian script an ziak leh dawn a, a nupui Deborah Snyder chu producer zingah a tel dawn bawk a ni.

Zack Synder hian nakkum kum tir lamah chuan 'Rebel Moon' hi production ṭanpui a tum tawh a, mahse nimin thleng kha chuan a changtu tur lam sawilan a la awm lo thung.

Netflix film a tihchhuah hmasa ber, hmanni lawka a tlangzarh 'Army of the Dead' kha a hlawhtlinpui viau a, kar li chhungin chhungkaw maktaduai 72 velin an en hman anga chhut niin Netflix film en hlawh ber zingah a tel nghal der a ni.