'Big Little Lies' season 2 chhuak rih dawn lo
American drama series 'Big Little Lies' chu entu lamin nghakhleh viau mah se, kum 2019 hma chuan season 2 tihchhuah a ni dawn lo tih tarlan a ni.
HBO programming president Casey Bloys chuan hemi chungchang hi sawiin," 'Big Little Lies' hi season 2 tichhuak leh tura hmalak a ni a, shooting pawh ṭan a ni leh tawh. Mahse 2019 hma chuan kan hmu hman dawn lo a ni" a ti. 'Big Little Lies' star Nicole Kidman chuan season thar hi kuminah tihchhuah hman an beisei thu a lo tarlang tawh a, mahse hei hi Casey hian a rawn pha ve leh thung a ni.
'Big Little Lies' hian ngaihhlut a hlawh hle a, Golden Globe Award sem zawh takah pawh khan category parukah chhawpchhuah niin, award pali lai a dawng a ni. Critic Choice Award-ah pawh a langsar ber pawl niin, a changtute pawhin lawm an hlawh hle a ni. Season 2-ah hian Nicole Kidman, Reese Witherspoon, Shailene Woodley leh Laura Dern-te pawh an inlan leh dawn a ni.