Kid Rock-a'n tour neih tur hming thlak

Kid Rock chu Norh America lamah tour nei turin a inbuatsaih mek a, he tih lai hian a tour hming phuah chungchangah buaina a tawk tlat mai.

American singer hian a tour neih tur hming atan hian 'The Greatest Show on Earth' tih a hmang a, mahse hei hi Feld Entertainment chuan an trademark tagline nia chhalin an khinglet a ni. Ringling Bros & Barnum & Bailey Circus neitute hian nikum December thla khan an khing a, hnehna an chan tak avangin Kid Rock hian a tour neih tur hming hi a thlak a ṭul ta a ni. 'The Greatest Show on Earth' tih aiah hian 'The American Rock N Roll Tour' tiin a thlak leh zawk thu tun hnai khan a taralng.

Kid Rock tia hriat lar Robert James Ritchie hian nikum November khan album 'Sweet Southern Sugar' chu a tlangzarh a, hemi tihlarna tur hian tour hi a nei zui dawn a ni. Tour hi January 19 hian a ṭan tawh dawn a, Bridgestone Arena, Nashville-ah bulṭanin, August thla thleng a nei zui dawn a ni.