Billboard 200 Album Chart : The Greatest Showman soundtrack bawk a chungnung

'The Greatest Showman' sound­track album chu Billboard 200 Album chart-ah pakhatna a ni leh a, a zawna dinhmun sang ber a luahna chiah a ni.

The Greatest Showman sound track album hi hralh a kal rih viau a, kar liam ta chhung khan U.S-ah ringawt copy 104,000 hralh chhuah leh a ni. He soundtrack album hi December 8 khan tlangzarh a ni a, hralh a kal nghal hle. Billboard chart-ah pawh kan hmu nghal chat a, vawi khat mai ni lo a zawna pakhatna hauh thei a ni. Traditional album sales aṭang ringawt pawhin copy 70,000 zet hralh chhuah a ni a, kum 10 chhunga soundtrack album zinga chart-a a zawna pakhat hauh thei zingah a tel nghal bawk. Hemi hma hian 'Suicide Squad: The Album' (2016), 'Guardians of the Galaxy: Awesome Mix Vol. 1' (2014), 'Frozen (2013) leh 'Glee: The Music, Volume 3' (2010) sountrack album-te chuan hetiang dinhmun hi an lo thleng tawh a ni.

Ed Sheeran album 'Divide' chu copy 53,000 zet hralh chhuah a la ni a, chart-ah pahnihna a ni. G-Eazy album 'The Beautiful & Damned' chu pathumnaah a awm ve thung. Bruno Mars pawh thla eng emaw zat liam hnuah top 10-ah a a rawn invawr chho ve leh a, '24K Magic' chu kar khat chhungin copy 37,000 lai hralh chhuah a la ni. Post Malone pawh chart aṭanga nekchhuak thei an la awm meuh lo a, a album 'Stoney' chu kumtharah pawh hralh kal ber pawl a la ni cheu.

Hetih lai hian nikum Novem­ber thlaa tlangzarh Taylor Swift album 'Reputation' chu parukna-ah a awm pha ṭawk a, heti chung hian copy 36,000 lai chu an la hralh chhuak tho. Eminem pawh a ropui bik chiam lo a, pakhatna te pawh lo han hauh tawh 'Revival' album chu copy 36,000 hralhin pasarihna a ni. Kendrick Lamar album 'DAMN', Huncho Jack 'Huncho Jack, Jack Huncho' leh Sam Smith album 'The Thrill of It All'-te chu album hralh kal zual zingah hian an tel bawk.