Cranberries singer Dolores O'Riordan a thi

Irish rock band 'Cran­berries' singer Do­lo­­res O'Riordan chu Thawh­lehni zan khan London-ah a thi a, mahni intihlum nia tarlan a ni.

Kum 46 mi Dolores O'Riordan thih thu hian khawvel a deng chhuak rang hle a, a bikin music lama tui mite chuan an ngaihven zual a ni. Metro­politan Police-te chuan Thawhṭanni khan Park Lane hotel pakhat aṭangin phone call an dawng tih an sawi a, O'Riordan thih thu hian a deng zui nghal niin an sawi. O'Riordan thih dan kim chang hi puanzar a ni lo a, mahni intihlum ngei a nih thu erawh puanzar a ni.

The Cranberries mem­ber - Noel Hogan, Fergal Lawler leh Mike Hogan-te chuan O'Riordan thihna hian a ṭhawng takzet tih an sawi a, a kalsan tak a chungte an tawrhpui takzet tih an sawi. O'Riordan hian a nunah harsatna tam tak a tawk tih interview-ah a lo sawi chhuak fo tawh a, naupangte a nih lain mipat hmeichhiatna hmanluihpui a nih thu pawh a zep lo. Nikum pawh khan intihhlum hi a lo tum tawh tih tun hnaia an kawmnaah a sawi chhuak bawk a ni. Cranberries singer hian lainattu pawh a ngah hle a, a bikin zaithiam zingah uitu a ngah hle a ni.