America mipuiin smart speaker an lawm!

Khawvel ram ropui bera ngaih U.S.A-ah khuan mihring maktaduai 39 vel an cheng a, ami chengte pawh kawng hrang hranga tehnaah ramdang mite aiin an khawsak leh nun phung pawh a sang zawka ngaih a ni. U.S mipuite khuan smart speaker an uar viau mai a, 66% zet chuan rimawi ngaihthlak nan an hmang ni.

NPR and Edison Research chuan nikum November - De­cem­ber chhung khan kum 18 chin chunglamah zirchhianna hi an nei a, mi paruk zinga pakhat zelin an mahni pualin smart speaker hi an nei a ni. Tarlan dan chuan 52% chuan an room-ah an inchhawp a, choka lama inchhawp 24% an awm. Smart speaker hmanga rimawi ngaithla ṭhin zinga 52% chuan pakhat an neihin an lungawi mai tih an sawi a, 24% chuan pahnih an nei a, a aia tam nei 18% an awm bawk.

Smart speaker hmangtu zinga 71% chuan rimawi ngaihthlak nan bik an hmang a, 28% chuan chanchinthar leh thil dang ngaihthlak nan an hmang thung. Bazar nikhuaa smart speaker lei tum hi 7% vel an ni a, duhsak zawngte thilpek atana hmang 4% vel an awm anga chhut a ni bawk. Hetih lai hian 39% chuan rimawi ngaihthlak nan hian radio an hmang tih an sawi a, smart phone leh television aṭanga ngai­thla 30% zet an awm bawk.

Zirchianna aṭanga a lan dan chuan kum 2017 chhung khan U.S-ah ringawt hian smart speaker maktaduai 25 vel hralhchhuah a ni a, Amazon leh Google Home device chu an hman tlanglawn ber a ni.