O'Riordan thih hnuah Cranberries album hralh a kal

Irish rock band 'Cranberries' singer Dolores O'Riordan chu Thawh­lehni zan khan London-ah a thi a, a thih hnu hian U.S lamah chuan an band album hralh a kal phah hle.

Kum 46 mi Dolores O'Riordan thih thu hian khawvel a deng chhuak hneh hle a, a bikin music lama tui mite chuan an ngaihven zual a ni. Ama mimal chanchin ngaihventu an pun rualin, an band a lar phah leh zual a tih theih ang. Nielsen Music-in a tarlan dan chuan O'Riordan thih hma ni a Cranberries hla hralh chhuah zat leh, a thih hnua an hralh chhuah punna hi 11,094% zet a ni. Cranberries singer thih hnu hian an album chu copy 35,000 hralh chhuah tawh a ni a, hun eng emaw chen chu hralh a la kal rih viauin a rinawm bawk.

Cranberries album zingah hian The Best of 1992-2002, No Need to Argue, Everybody Else Is Doing It So Why Can’t We leh Something Else-te chu an hralh chhuak tam hle a ni. Album-a an hla ṭhenkhat pawh hralh a tla rih hle bawk.

Dolores O'Riordan hi mahni inti­hlum nia tarlan a ni a, a thihdan hi chhui zui mek a ni. O'Riordan hian a nunah harsatna tam tak a tawk tih tun hnaiah a sawi chhuak fo a, a nun beidawng lutuk chu amah lah a mah intihhlum phah nan a hmang ta nia ngaih a ni.