World Tour aṭanga sum lalut hnem Bruno Mars

Bruno Mars chuan nikum chhung khan khaw­vel hmun hrang hrangah '24K Magic World Tour' a nei a, heta aṭanga a sumlak luh hi $mtd 37.4 zet a tling.

American singer hian kum 2016 khan album a tlangzarh a, a album '24K Magic' tih lar nan hian nikum khan tour hi a nei a ni. March 28 khan Belgium aṭangin bul a ṭan a, December thla khan a zo fel chauh a ni. Tour leh 24K Magic album a hralhna aṭnga a sum lakluh tawh zawng zawng hi $mtd 200 a chuang tawh a ni.

Bruno Mars hian Europe lam a fang hmasa a, hemi hnu hian North America lam a hawi leh a ni. November - December chhung khan ṭum 12 zet concert a nei a, a vaiin show 115 zet a nei hman a ni. Tour ticket pawh a hralh ṭha viau a, 408,443 ticket zet a hralh. Tun hnaiah Cardi B nen thawk dunin hla thar 'Finesse' an tichhuak a, hei pawh hi a hit leh rem rem hle. Finesse hi January 3 khan YouTube-ah upload a ni a, entu mi 90,330,578 zet an awm tawh a ni.