Covid-19 hlawkpuitu Zoom

Khawvel puma hripui leng vanga mi tam tak leh entertainment media hrang hrangin harsatna an tawh laiin Zoom Video Communication erawh chuan hlawkpuina atan a lo hmang thung a, Thawhlehnia khan an Q1 revenue chu $maktaduai 328.2 a tling tih an puang.

Thawhlehni report-a an sum hmuh chhuah tawh zat hi hripui len hma aiin 169% laiin a tam a ni.

Zoom founder leh CEO Eric Yuan chuan Zoom platform nasa taka a ṭhang chu lawmawm an tih thu sawiin Covid-19 buaina chuan an platform mamawhna chu a tipung nasa hle tih leh an hnathawkte chu chhuanawm a tih thu a sawi.

Yuan chuan an application chu school nuai khat chuangin remote learning atan an hmang tih a sawi a ni.

San Jose, California-a hmunpui nei Zoom hi kum 2011 khan Eric Yua hian siam chhuak a, Zoom hnuaiah hian hanthawk sang hnih chuang an awm mek bawk.