MISS MIZORAM 2018 : A tha ber nih tumin mi 13 an intihsiak dawn

Zonet Cable TV Pvt. Ltd. buatsaih Vespa Aprilia Miss Mizoram 2018 audition chu January 17, 2018 zan khan Conference Hall, Beraw tlangah neih a ni a, contestant zing aṭangin inelna hmachhawn zui tur mi 13 thlanchhuah an ni. Miss Mizoram thlanna hi Mr. Noodles, RFL Plastics leh Vivo-te'n an sponsor a ni.

Miss Mizoram 2018-ah hian lawmman ṭha tawk tak siam a ni leh dawn a, pawisa fai Rs 1,10,000 bakah hamṭhatna dang eng emaw zat a kengtel dawn a. Main sponsor aṭangin Vespa Scooter a dawng ang a,

CMS Holidays aṭangin Dubai Tour Package a dawng bawk ang.

Miss Mizoram thlanna hi changtlung taka kalpui a ni leh dawn a, title winner chu Miss India-a tel turin theihtawpa hmalak pui leh a ni dawn bawk.

Contestant te hian intihsiakna hrang hrang an hmachhawn chho dawn a, March 7, 2018-ah Grand Finale neih a ni ang. Intihsiakna hi Zonet-ah pekchhuah ṭhin a ni dawn.