Aizawla lo kal tur Umesh Shukla

January 23-25 chhung hian Mizoram chuan a vawi khat nan Indian Film Festival a thleng dawn a, he huna tel tur hian India rama film siamtu lar eng emaw zat an lo kal dawn. Chung zingah chuan Umesh Shukla pawh a tel a, a ni bakah hian Rahul Mittra leh Shahnaab Alam-te pawh an tel a, Savdhaan India star Sushant Singh pawh a inlan dawn a ni.

Umesh Shukla hi Indian film director zingah chuan mite hriat hlawh ber pakhat niin, film chan lamah pawh hnuhma lo nei tawh a ni. Bollywood-ah chuan a mikhual lo hle a, film star a nihna piah lamah, film siamtu hlawhtling a nih zui vangin dah hniam chi rual a ni lo. Shukla hian Bollywood star Akshay Kumar pawh a lo thawhpui tawh a, kum 2012-a tihchhuah 'Oh My God'-ah khan an thawk dun a ni. Tun ṭuma festival neih turah pawh hian film chhuah tura thlan zingah a tel a, Shukla kut chhuak hi engtiang chiaha ṭha nge tih hmuh theihin a awm dawn a ni.

Tun hnaia film chhuak 'All Is Well' leh '102 Not Out'-te pawh kha Shukla kutchhuak zinga langsar an ni. All is Well-ah hian Bollywood star Abhishek Bachchan pawh a chang nghe nghe. Hetianga suhnu nei ṭha tak hian Mizoram a rawn chuangkai dawn a, film indusrty-in hma a sawn phah ngei pawh a rinawm.