Indiana Jones 5-ah Harrison Ford kan hmu leh dawn

Lucasfilm president Kathleen Kennedy chuan Indiana Jones film panganaah Harrison Ford a chang leh dawn tih a sawi.

Indiana Jones tih sawia mitthlaa a hmel lo lang nghal Harrison Ford hi kum 77 a ni tawh a, a inlan leh dawn thu hian a fan-te chu lawmna a thlen ngei ang. Kathleen Kennedy chuan Indiana Jones 5 hi part 4 chhunzawmna a ni dawn tih sawiin 'reboot' a nih dawn lo thu a sawi chiang nghal bawk.

A tirah tak chuan Indiana Jones 5 hi nikum July thlaah khan tlangzarh tum a ni a, tihkhawtlai ni zelin kumin July thlaah hian tlangzarh an tum leh a, hei pawh hi an la tihlawhtling leh thei dawn chuang lo. Nakkum July 9-ah erawh tlangzarh hman ngei an tum tawh a ni.